வெட்கம்

வெட்கம்

வெட்கமாய் இருக்கின்றது
வெட்கப் படுவதற்கு.
முறைக்காரன் வம்பு செய்த வெட்கமா?- இல்லை
முதல் முறையாய் பெண்ணான வெட்கமா - இல்லை
பெண் பார்க்க மாப்பிள்ளை வந்த வெட்கமா? - இல்லை
மனமேடை வெட்கமா? - இல்லை
அட என்னதான் வெட்கப் பட என்கிறீரா?
பெண்ணாய்  பிறந்ததினால்
வெட்கப் படுகிறேன் - தமிழ்
பெண்ணாய் பிறந்ததினால் வெட்கப்படுகிறேன்
ஏனிந்த வெட்ட்கம்?
எதற்காக வெட்கம்?
பெண்ணென்பதால் என் போராட்ட குணம்
ஒடுக்கப்படுகின்றது,
அதனாலா?
இல்லை ,
பெண்ணியம் பேசினோம்
பெண் விடுதலை கேட்டிட்டோம்
ஆணுக்குப் பெண் நிகறேன்றோம்
எல்லாம் சரி கிடைத்ததா?
கிடைத்தது
 பின் ஏன் வெட்க்கம்?
தொலைத்துவிட்டோம்
எப்போதும் போல
தொலைகாட்சி நாடகத்தில்
அலங்கார பொருட்களில்
வீண் பகட்டு பேச்சுக்களில்
மீண்டும் ஒரு முறை அடிமையானோம்
சுதந்திரம் என்ற போர்வையில்
ஆண்களின்  அலங்காரப் பொருளாய்.
தோழியே எழுந்து வா
மீண்டும் ஒரு சாதனை படைப்போம்
சரித்திரத்தை மீண்டும்
மாற்றி எழுதுவோம்.